全球大亂 跌跌不休

    美國股市自年頭開始跌,,近期有唔少投資產品都出現下跌,,香港樓價跌,黃金價格跌,中港股市跌.近1年多左幾單事件影響左環境,分別系俄烏戰爭,美國加息.

  俄烏戰爭帶黎能源危機,糧食危機,近1年歐洲多國深受能源短缺影響,,市民用於能源費用高企不下,俄烏戰爭亦影響住兩國糧食出口.導致糧食危機,,加上美國進入加息週期,全球真系立立亂..而且中國仍然維持清零狀態,一有確診個案就會進入封控,嚴重甚至會封城,,導致貨品供應鏈出現問題.

  幾單不利事件一齊進行,,的而且確好影響股市,向好個邊睇幾單一次過黎,總好過幾年黎一單,全球股市要重拾升軌,呢三個事情真系要辦妥先有希望.

俄烏戰爭結束

中國封城結束

美國加息週期完結

新鴻基地產 近年賣樓主要收入來源（二）

新鴻基地產 近年賣樓主要收入來源（二）

樓盤名稱：novo land

發展商：新鴻基地產

              

座數：14

樓高：22-31層高

地盤面積：四十八萬二千平方呎

總樓面面積：二百四十萬平方呎（住宅）

                        五萬平方呎（零售）

單位約數：四千六百個

補地價金額：65.3億

物業位置前身：農地

  港鐵站上蓋呢d位置，換轉系邊間發展商都會好易賣，但如果位置稍為唔太好，都可以大賣既企業，真系唔到你唔服，呢個樓盤可以話系吊腳位置。好天曬落雨淋，附近輕鐵站都有一段路程，而兆康站行到樓盤都需要約20分鐘，慶幸既系隨住呢區愈黎愈多樓宇落成，過多排將會有幾條新巴士線，分別會直出港島及九龍，仲有系循環線去兆康及屯門站。擁有九巴既好處真系改劃呢d路線都方便d,所以話就算本身交通唔太方便既地方，由新地去開發，佢真系做到偏遠少少既地方都大把人去買。呢點唔到你唔服。

  呢個樓盤伙數4600伙又系夠2-3年賣，總伙數比天水圍兩個盤合併仲要多，不過過多幾年新地仲有個9500伙既樓盤，不過仲打緊地基。呢2年賣樓收入主要會靠呢個novo land同元朗the yoho hub為主要賣樓收入來源。

新盤開賣

最近新鴻基分別賣緊屯門novo land 同 wetland seasons bay，岩岩路勁伙拍平安不動產合作項目晉環，應該系第二次開賣，今次推出139伙 0成交。 用新地最近兩個新盤同晉環對比，可能有d不公平，始終新地樓盤偏向上車客，而晉環就偏向高階客群。 但處於而家市況較差情況下，新地每次賣樓都仍然系人頭湧湧，甚至一推出就已經沽清，當然有人會質疑系唔系做媒，我本人都唔排除有咁既可能，但無可否認新地系市況差仍然做到唔錯銷售成績，足見其韌力。

香港再一次成為窗口城市

政府宣布放寬入境措施0+3，今次算中間落墨，有人0+7，有人直接建議0+0，政府今次都算把心一橫整過0+3，間接同中國清0政策背道而馳，因應香港曾經大規模感染，而家中招仍然不少，基本上已經做唔到清0。其實而家都算因應環境而決定，年初香港0感染，有機會同中國通關，但隨疫情大爆發，中國已經關閉同香港通關之路，相信而家香港0+3系中國開放其中一個城市做試點，如果香港做得好，日後中國有機會開放局部省份做試點，慢慢讓其他中國城市同國際通關，但前題系會睇香港情況。 今次0+3因應環境之外，仲有系非常大經濟壓力同競爭力，新加坡開放程度之高，已經令唔少人唔想再接受酒店隔離，轉而投向其他國家懷抱，如果香港唔再開放只會失去更多舉辦國際大型賽事機會，人才流失，企業總部遷移等等問題.

跌跌不休

 

		近年歷史高位	52周高	現價		歷史位下挫	52周下挫
騰訊控股		$775	$515	$283		-63.40%	-45%
阿里巴巴		$309.4	$179.9	$80.85		-73.80%	-55.00%
友邦保險		$109.3	$92.5	$69.6		-36.30%	-24.70%
香港交易所		$587	$495	$281		-52.10%	-43.20%
中國平安		$103.6	$69.4	$42		-59.40%	-39.40%
舜宇光學		$258	$258	$84.5		-67.20%	-67.20%
信義光能		$24.8	$17.5	$8.99		-63.7%	-48.60%
小米集團		$35.9	$23.45	$9.68		-73%	-58.70%
信義玻璃		$34.2	$26.9	$12.2		-64.30%	-54.60%
新鴻基地產		$126	$104.7	$93.65		-25.60%	-10.50%
恒基地產		$38.85	$35.2	$24.2		-37.70%	-31.20%

今日創下十年新低,,近年不少優質藍籌跌勢都非常驚人,主營香港業務地產股跌幅唔算太多,,相反以中國業務為主企業坐抵都要跌3-4成,,近年中國較多事情發生例如疫情,一有疫情爆發就會封城,打壓內房槓桿,,而家就系陣痛期,打壓科網企業,避免過於壟斷.

現在環境情況的而且確令人氣餒,,但往往牛市回復就系系呢D咁既情況而慢慢發生,系呢個情況再買股票,只可以揀自己更加熟悉股票,,其實亦都可以參考下股神選股準則.

新鴻基地產 近年賣樓主要收入來源（一）

新鴻基地產 近年賣樓主要收入來源（一）

樓盤名稱：the yoho hub

發展商：新鴻基地產

              

座數：6

樓高：23-47層高

地盤面積 :四十一萬八千平方呎

總樓面面積 :一百四十萬平方呎(住宅)

                      十萬零七千平方呎(零售)

單位約數 : 二千個

地皮金額：93.2億

  其實我唔系賣樓，不過都會留意佢賣既樓盤，呢個屬大型地盤，六棟樓仲要港鐵上蓋。又可以分幾年時間慢慢賣，其實睇到新地唔多想咁早賣呢個盤，點解？因為呢個盤唔系農地補地價，系要比成大舊錢港鐵，仲要固定分紅5%比港鐵，呢d問題都唔系主因，主因系未通關同加息週期，都壓抑左樓市向上，價錢唔靚仔，無理由平賣呢個禁靚位置樓盤，所以睇到個樓花期都好短，同埋推出黎賣既單位都唔算多，如果你有留意樓市好既時候，新地推靚位置樓盤唔會推咁少。而系會不斷加推單位應市。

   其實逢港鐵站上蓋樓宇一向有價有市，因為方便呀嘛。香港人最著重交通方便，節省時間。所以港鐵上蓋新樓一向都好搶手。呢個樓盤發售將會佔新地未來2-3年其中一個賣樓主要收入來源。

恒地中期業績2022

   今年香港都屬於難捱一年,原本今年年頭一度有機會同大陸通關,突然疫情大爆發,煞停不少商業活動,但系恒地交出呢份業績雖然唔系話好好,但系咁既環境黎講算唔錯,,講緊頭三個月商業活動真系差唔多清緊0.

  

收入比上年仲多左,,不過直接成本同樣多左扣除成本後毛利相差唔大,但2021年有額外入賬,扣除相關入賬後,其實今年上半年利潤同21年上半年對比稍微倒退,今年做到禁既成績都算唔錯.

收入組成部份今年賣樓比上年仲多左,,真系後勁凌厲,,講緊頭三個月香港仲閉緊關,,賣樓主力應該就系THE HENLENY,租金收入恒地靠穩仲有輕微增長.

派息方面照舊有0.5元,無加無減,系咁既環境下真系唔收貨都唔得,,睇下本地銀行股都減左息幾年了,暫時香港收息股真系得地產股較穩健,下半年恒地仲不斷推緊必嘉坊,one innovale,過多1-2年美利道又差唔多起好喇.呢個真系恒地地標式商廈,到時唔知系唔系會將個總部擺埋入去呢.

領展7.66億奪得安達臣道首幅商業地

位置 ： 測量約份第3約地段第1078號

地盤面積 ： 約5,880平方米 

該發展項目之總樓面面積 ： 不得少於7,762平方米並不得超過12,936平方米

地價:7.66億

   今次應該系領展第一次以獨資身份投得地皮，地皮位置安達臣道測量約份第3約地段第1078號，主要用途為非辦公室的商業項目及停車場。

• 該土地之潛力

   該土地位於觀塘安達臣道石礦場發展區之策略中心位為香港未 來 數 年公 共╱資 助房屋供應最引人注目之地區之一，預期至該發展項目落成時可容納預期約30,000人口。此乃極具吸引力之單獨非辦公室商業用地，具潛力發展為社區商業設施( 包 括 零 售 設 施 、 一個鮮活街市 ， 並設有停 車場以把握鄰近地區之未來消費，此新興及人口稠密之住宅環境下，供應及競爭有限。善用毗鄰之規劃中央社區公園及其他康樂設施 ,該發展項目將通過鄰近該土地之運輸交匯處。政府將建造之有蓋行人天橋及電梯系統將與領展之秀茂坪商場及秀茂坪之其他住宅屋邨緊密相連,便於乘搭公共交通工具。

  呢幅地皮位置符合晒領展平時經營本地商場方針,領展對上一次成功投地應該系同南豐一齊整左棟叫海濱匯寫字樓,呢幾年領展都系收購商場多.今次終於系由自己去起一個民生商場,完全由自己發板設計興建.領展估計發展成本總額約為15.9億港元.睇返領展旗下十大商場估值同收租作回本期比較大概一個商場回本期需要20年 如果能夠加下租回本期會更快..期待領展呢個自己興建既民生商場