華潤置地業績靚仔 可惜末期息減少

  華潤置地每股核心盈利按年增長11.6%,而且2019年亦都有不少新商業地產項目開業,不過末期派息減少了,不知道是否跟肺炎問題有關連.

  而華潤置地系過去三個月亦都因為肺炎問題,已經執行左向租戶減租,分別1-3月有減租同免租方案實施了,而現今國內疫情開始慢慢減退,商業活動慢慢復甦中,相信4月開始租金亦都會慢慢回復正常.而2019年購物中心租金收入91.5億元,按年增長33.4%.

  我個人喜歡華潤置地主要系佢仍然系一間有唔錯增長力既穩健內房,佢旗下商業地產真系做得好好,而且亦有領導地位,加上差不多每年都會有新既萬象城開業增加租金收入,而且華潤置地主要土地儲備亦都位於華南地區,近年華潤置地亦都主力佈局於深圳,單在深圳已經有兩個萬象城,一個萬象天地,而且還有新落成華潤大廈,長遠亦有湖貝村項目.

  

恒基地產 停送紅股 維持派息

  其實恒基地產唔派紅股的確令人有些小意外,始終連煤氣都有二十送一,但我個人對派唔派紅股其實就無咩所謂,最緊要有息派,系呢個時候能夠維持1.8股息其實都算唔錯,但其實如果大家睇番恒地業績其實都唔算話好差,加上香港下半年問題,肺炎情況對佢賣樓方面一定會有影響,相信黎緊半年業績同下一年既業績都會系偏差,因為減租情況仍然未系呢份業績顯示出黎,而且地產商一定會放慢賣樓步伐.
   但系如果能夠代入地產商角色,系呢段時間樓就一定會照賣,不過就慢慢賣,始終都要貨如輪轉,保持流動資金,而且系呢個時間投地一定系會比較平, 基本上捱過呢個肺炎情況,中港兩地其實都會慢慢好轉,屆時樓價仍然都系會維持系一個合理水平,因為香港樓宇需求仍然系非常大,始終地少人多局面仍然未有改變.但相信黎緊呢一年會系一個好好吸納期,始終連租金都減,呢個真系一個非常之小見既情況,而且恒地長遠仍然手握大量農地,呢幾年亦會有數座商廈落成,但持有恒地或準備買恒地就真系要有心理準備了,呢一年可能會再下跌不小.

更新組合 增持恒地,首次買入華潤置地

行業類別	股票	持有股數	平均買入價	總投資額
金融銀行	中銀香港	9500	29.59	$281105
地產	恒基地產	4000	35.25	$141000
內房	華潤置地	2000	30	$60000
房託	領展基金	500	78.65	$39,325
科技軟件	中軟國際	8000	4.42	$35,360
醫藥	中生製藥	2000	5.9	$11,800
殯儀	福壽園	2000	6.505	$13,010

組合中已經加入華潤置地,亦都於30蚊水平增持一手恒基地產

其實本身都打算今日再買埋領展,但現金比例急劇下降,想再睇定D形勢,

但領展增持步伐應該都唔會等太耐,現今主要都系研究緊資金如何運用

本身恒地系打算上次買入價34.5之後跌一成約31蚊增持,但想減慢步伐故意調整至

30蚊增持但真系估唔到30蚊一陣間就已經去到.

 現有流動現金主要增持目標為華潤置地 恒基地產 領展

如果福壽園同中生製藥能跌至吸引水平將小注購入

由於不想中銀香港佔比太重,將會減慢增持步伐

而小弟之前提出既借貸方案亦都會重新審視,若現有現金已經全部用盡

借貸方案會因應主要增持目標能否跌至我設立水平,而需要啓動.

借貸方案將會預留約1年還款金額,亦會額外儲備多三個月家用.

檢閱股票組合 三大持股 買入原因

買入中銀香港主要原因:

1.受惠大灣區及一帶一路發展
2.香港樓宇按揭市場龍頭之一
3.人民幣主要清算行 

暫時股市有D恐慌,但長遠企業前景仍然未有改變.

 

 

 買入恒基地產主要原因:

1.香港長期處於地少人多局面,對樓宇需求無論系中短期抑或長期都系仍然唔足夠.

2.恒地擁有大量農地, 等待時機慢慢發展

3.恒地系市區擁有不少重建土儲項目,市區樓盤仍然系擁有一定需求.

4.擁有唔小既物業收租,有寫字樓有民生商場有購物中心,收租物業方面較平均.

中短期市況或環境會有影響,但暫時以上因素仍然未有改變 

 

買入領展基金主要原因:

 防守業務:

1.持有大量公屋商場收租,業務較穩定.

進攻業務:

2. 自行發展物業投資,例如TOP商場/同南豐發展海濱滙

3.收購國內物業,隨住國內環境不斷改善,大陸人消費力亦頗高,而領展亦只在四大城市中佈局,前景亦算唔錯, 本人亦都樂見領展既商場組合中能夠有些少既一線城市中商場組合.


企業中短期或會受減租影響,但長遠前景個人認為租金仍然是易升難跌. 而且領展質素仍然頗高.

組合中希望下次能夠用合理價購入內房股
華潤置地

暫時小弟亦對以下兩隻股票感興趣 

而家內心掙扎中,見到友邦保險而家個價又頗吸引,但友邦前景其實系非常之唔錯,但佢又不是我比較喜歡既類型 能夠有3%股息派之餘 股價亦能上漲既股票.

而粵海投資就暫時股價亦未算吸引,但其供水業務穩定,年年水費上調,加上系我比較喜歡類型,有升有息既股票,但相信股價潛力應該不及友邦保險.

但小弟資金亦唔算太多,再分注入多一隻股票 又變相減少了其他股票既分注買入,這的確令人煩惱

股票最新組合&增持恒地&1月儲蓄記錄

行業類別	股票	持有股數	平均買入價	總投資額
金融銀行	中銀香港	9500	29.59	$281105
地產	恒基地產	3000	37	$111000
房託	領展基金	500	78.65	$39,325
科技軟件	中軟國際	8000	4.42	$35,360
醫藥	中生製藥	2000	5.9	$11,800
殯儀	福壽園	2000	6.505	$13,010
合計				$491600

 

   

 

分注增持恒基地產 成本價下降至$37

1月儲蓄記錄
薪金	$24700
支出:
家用	$8000
交通費	$0
零用錢	$1500
電話費	$148
其他開支	$2052
剩餘:	$13000
儲蓄用途:	$13000

 

 

強積金轉移

早幾年因為打過好多份兼職,所以有左勁多間供強積金既公司,系2年前左右其實都已經基本上整合晒所有散修修既供款,全部集合晒落去東亞.

 早期既供款同埋本身投資全部都系屬於低風險投資,其實而家個組合大約都仲有3萬蚊左右系屬於低風險,但近1-2年研究同埋都睇左好多書,再睇下高風險既投資組合系什麼,其實高風險好多都系投資類似etf既東西,不過由於波動佢地都屬於高風險類別,但個人認為類似盈富基金,其實真系屬於低風險投資類別.

  最近眼見股市都系屬於唔太好既狀況,而且估值上又唔系屬於偏高,所以最後決定將 東亞既均衡基金轉移至東亞香港追蹤指數基金,之後會再因應市況,同估值高低狀況,會將最後一筆資金由強積金保守基金再轉移至東亞香港追蹤指數基金.