險些葬身火海--閱文集團

當初咩都唔識,有一日突然聽講騰訊會分拆旗下公司閱文上市,當時好多人都話呢隻實賺,禁我當然無抽,而且在那時已經有新聞說超額認購逾620倍,感覺多人買應該好穩陣,而且個陣我真系唔知呢間公司做咩,只系知道騰訊拆得出黎應該系好野黎.
  正式掛牌當天閱文開報90蚊,個陣都估唔到已經比招股價升左禁多,而且每分鐘睇住見到佢系每分鐘都系1蚊1蚊禁升上去,有時2蚊禁升上去,朋友比我早入100蚊左右入手,而我就105蚊左右入市,之後閱文升勢開始放緩,愈升愈慢 甚至有些少倒退,之後整天都系保持住我購入既差不多價位,但我當時心諗只系短炒,驚炒作過後會大跌,慶幸第二天開市反而又升左一陣,立馬放出,好彩沒有輸掉,但系經此一役,當時做野真系無晒心機,而且個心好不安,怦怦禁跳,實在太驚了.
   從此買股真系覺得買股票要做足功課,起碼要知道間企業系做d咩業務.
    而經過幾年後既閱文集團股價如下$32.55

中流砥柱-領展房產基金

  系2019年6月社會運動開始由平靜去到中後期轉為行動激烈,整個香港零售市道情況急速下滑,有一段時間因為港鐵部分線路停駛,而中後期港鐵亦只能夠提供有限度時間服務,繼而令到旅客同市民減少外出消費,而且外出部分購物熱點消費,亦都隨時有性命危險.

  系港鐵提供有限度時間服務下,見到好多市民一放工都已經急不及待馬上回家,回家當然連晚餐也未進食,個時看見領展旗下商場很多食肆比之前更旺一些,而且個陣連星期日好多人都未必多出街,好多區內市民亦都只系系番自己當區消費,我自己都系其中一員.

  當踏入2020其實香港情況亦已經稍為有些好轉,誰不知去到月中突然爆出武漢肺炎系如此嚴重,而家簡直系全城恐慌,人人自危,而家外出拜年既人的而且確少左好多,好多市民又一次多數都系留番系同區消費較多,而民生商店基本上又系影響不大.

  公屋商場系堅固基石,雖然質素唔系最高,但系系呢兩次事件上睇到其實對公屋商場既影響其實唔算系太高.

  而購物中心為主既九置 太地 希慎先前已深受活動影響,而今次武漢肺炎對佢地亦都系雪上加霜,基本上活動已經影響左好多人出外消費,而且今次武漢肺炎亦令到市民減少外出同埋香港政府亦都宣佈暫時不會作出港澳個人遊簽證.當然佢地亦都提供左一個低吸機會.

時機到來?

 

因應而家國內疫情轉為極之嚴重,湖北省基本上都已經接近全面封鎖,而且疫情亦已經偏佈全國,外國對湖北省人民亦已經發出旅遊警示,而香港近期政策朝令夕改,最新方案暫時都亦只系封閉部份關口,而且自由行亦都已經暫時取消了,相信呢個疫情對香港系修例活動後再一次既重擊,原本香港已經踏入寒冬期,今次簡直系雪上加霜.

因為疫情問題中國股市亦都宣佈會延遲開市,而香港ADR預託證券系美國個邊尋日收市已經大跌1100點,相信港股有一段時間將會極為波動,甚至會有一段時間向下插.而近期亦睇到多左人去買金,令到金價上升,而且全城亦都進入左對疫症恐慌情緒.

港股預測:

如果以近年低位恆生指數跌穿10倍市盈率已經系2016年,而最低點恆生指數市盈率亦曾跌至7.6左右水平.而家恆指每股盈利約為2504.若跌穿10倍市盈率即恆指約為25040點,個人認為將會系一次好吸引入市水平,而低位以7.6倍市盈率計算,恆指最低點 約為19000點.而恆指市盈率維持單位數大概只有4個月至6個月時間.

 便宜區:

25000點-19000點

維持時間相信只有4-6個月時間

個人推測股票:能夠跌至呢個價位附近將會動用借貸入市

 恒基地產$30

領展基金$60

華潤置地$20

中銀香港$21

暫時將會開始以下方案

1:加強儲蓄方案

2:預備借貸方案

 3:準備轉換強積金基金由保守轉至中港股票基金

當然疫情最終結果系點無人知,但系呢個只會系一個短期問題,因為最終都系會解決得到,只系最終會有幾多人會因此而掉命.當然股票能否跌入大手掃貨區真系無人會知,或者最終熊三無出現亦都唔出奇,但系我覺得暫時可以做既就系預備晒所有方案,只要股災一出現令到股票大瀉,就可以有晒所有方案去應對入市,繼而長線持有享受複利息威力方為上上之策