街道回復清靜

其實未有疫情之前香港好多地方都好多人,尤其以近關口地方以元朗上水屯門最為嚴重.因為平時都有好多大陸自由行遊客或水貨客去呢幾處地方買野,所以平時呢三個地方可謂好難行.而且元朗上水本身街道較窄,有時侯居民也要行出馬路,,但呢幾個月因為封關後暫時睇唔到呢d場境了,,究竟好定唔好呢?? 

 

好就系可以帶動飲食零售,,增加香港內需,,從而亦可以帶出不少就業職位如飲食,零售,建築,裝修,司機等 

 

唔好既地方就令到街道逼迫影響當地居民,市容差,令到當區物價,租金不斷上升同樣地影響當地居民 

 

不過暫時小弟都頗為享受呢段比較清靜既日子

6月儲蓄

 

6月薪金:	$32500
家用	$8000
零用	$1800
電話費	$200
車費+購物	$1500
收息金額:	$18809
儲蓄金額	$21000

 

今期亦分別收取領展基金,華潤置地,中銀香港,恒基地產股息收入.

組合加入粵海投資

  近期粵海資不斷下跌,,計過估值後覺得價錢仍算合理,決定12.8加入1手2000股,,今年其實都系對粵海投資都頗為關鍵一年,因為2020年香港供水合約就到期,今年就將會重新傾合約,之前水務署亦都發表過一份報告系建議購水至2040年,所以東江水仍然好重要,但新合約會以統包總額定按供水量收費則對粵海投資盈利有所影響,,所以小注12.8加入1手先.

新經濟股抬頭??

  近呢幾個月股市比較多出現(新經濟)呢個名詞,而以新經濟股為概念股票主要為阿里巴巴,騰訊,京東,網易,美團,小米.其實呢類股票的而且確有受惠於疫情問題,而且疫情亦令到人類消費模式加快轉變,我覺得呢類股票長遠真系有投資價值,因為人類消費模式現在加速轉變中,而且以阿里巴巴,騰訊為首既大型科企,手中握有大量用戶,可以不斷將自身APPS不斷延伸,由當初聊天的微信,發展至今時今日一個微信,已經可以購物,付款,而微信支付亦延伸至很多網上消費平台.

  但現今新經濟股已經不斷被人吹捧,而且前排亦熱炒至香港會搞一個類似美國納指既東西,新經濟股長遠必定有投資價值,但現今好多都已經炒到遠超其價值,當然仍然會繼續升,但系現今入市既話蒙受損失既機會亦都唔小.

5月儲蓄記錄

5月薪金:	$30625
家用	$8000
零用	$1800
電話費	$200
額外開支	$3725
儲蓄金額	$16700

剛剛也加入失業大軍

  因為工作地方愈來愈少下,都已經叫休息,暫時都加入了失業大軍,向好看就系系年頭至今都KEEP住有工作,為加入失業大軍前都增添了不少儲備,向差看就系暫時香港疫情問題嚴峻,暫時工作前景都系比較迷糊,,但同時亦都可以系呢段失業時間好好檢視自己.

最後一期 強積金轉移完成

經過幾個月時間,同埋股市暫時仍然處於唔算高水平,最後一期轉移計劃完成了,

將最低風險全部轉移晒東亞香港追蹤指數基金.

而暫時強積金亦錄得小量升幅,,而未來供款將繼續分別注入大中華股票同香港股票基金,

之後就唯有等待下一次大牛市來臨,而估值上較高先作出更改.

增持領展,4月儲蓄記錄

名稱*	代號*	買入價*	數量*	成本價($)	市值($)	賺蝕金額($)	賺蝕 %	股票現價($)	即日升跌 %	即日賺蝕($)
中銀香港	HKG:2388	29.56	9,500	280,820	228,950	-51,870	-18.5%	24.1	-1.03%	-2,375
恒基地產	HKG:0012	35.25	4,000	141,000	118,200	-22,800	-16.2%	29.55	-0.51%	-600
華潤置地	HKG:1109	30.00	2,000	60,000	63,900	3,900	6.5%	31.95	-1.39%	-900
領展基金	HKG:0823	69.25	1,500	103,875	100,650	-3,225	-3.1%	67.1	0.46%	465
福壽園	HKG:1448	6.51	2,000	13,020	14,920	1,900	14.6%	7.46	0.81%	120
中軟國際	HKG:0354	4.42	8,000	35,360	32,720	-2,640	-7.5%	4.09	-1.45%	-480
總額				634,075	559,340	-74,735	-11.8%			-3,770

前期日子以$65.15再增持多600股領展,呢段日子感覺香港長遠前景將會慢慢下沉,當然香港仍然會系一個賺錢地方,依然會系一個幫中資企業吸外資地方,但系地位個人認為會慢慢畀其他中國一線城市持平,其實而家都已經有好多外資可以直接進入其他城市,而唔需要再經過香港,加上中央要管治香港實在難題太多,所以業務其實都已經開始慢慢分散畀其他大陸城市.長遠我個人比較更睇好中國經濟發展,而香港為主要業務股票,我將會開始減少買入.

恒地有機會小量增持,但會用作收息之用.

領展有機會再小量增持,同樣作為收息之用.

中銀香港去到我個人認為合適價錢可能會出售.

香港主題既股票暫時只會考慮港交所一隻,但目前價格太昂貴,亦都不會買入

長遠我個人會買以中國業務為主既股票,因為我個人更看好中國經濟,同埋香港實在太細,發展潛力空間有限.

4月薪金:	$26000
家用	$8000
零用	$1800
電話費	$200
	$16000
地盤津貼	$7500
儲蓄金額	$23500