中國平安VS友邦保險 基本分析

 

2020股票組合年結

 

  今年新經濟股爆升一年,,自己既組合都唔系好突出,佔最大佔比既兩隻本地股竟然就是拖累主因,,不過我個人認為恒基同中銀自己買得仍然唔算貴,,只會等待價值回歸,,但就未必會再增持.

  其餘股票都會繼續持有,除非股票升至超出估值下先會賣出,今年新加入投資組合既有中國燃氣 粵海投資 金界控股 華潤置地 ,分別於年初增持中銀 恒基 領展,最近亦都增持福壽園,在最近科技熱潮減持了一半中軟國際.

  

2020強積金年結

 

   開戶至今暫時錄得盈利3萬多 升幅約為20.7%,,暫時股市上亦都不見 太過熱炒,亦都不是太過差,中規中矩,暫時都會繼續月供同持有呢類型股票基金,除非股市突然又再熾熱起來,屆時可能會將部份轉移至保守基金.

 

    由開始慢慢學投資,呢個倉都用左約2年時間慢慢由保守基金分注分時間轉入股票基金,到時今時今日基本上已經完成建倉任務,餘下將按環境情況再作出更改。

 

 

失業下拎強積金?

     強積金原意系強制勞資雙方供款，待員工退休後，能夠有一筆金錢當退休之用，但而家環境因為太多失業情況，導致不少人都希望能夠動用部分強積金解燃眉之急。

    其實個人覺得失業情況下，應該允許動用部分強積金，因為未去到退休而家既環境都已經餓死左，仲講咩退休。政府方面亦應該加快呢方面步伐，其實社會已經有不少人失業，但政府又無太多失業援助，理應暫時放寬呢個限制。

東江水達成協議

    基本上香港都一定需要購買東江水,只系唔知會以什麼合約方式去跟廣東省政府方面達成協議,而最新一份合約就仍以統包總額為主,但亦都加入了實際取水量扣減,而呢個機制亦都會用到2029年,即系亦都確保左粵海投資未來9年盈利.

   其實香港買水一向都比深圳東莞等城市貴，唔知系香港議價能力低，抑或系廣東知香港有錢所以禁住搶，不過從投資者角度去睇，其實都帶出左粵海投資系一間非常優質企業，每年只系供水已經穩袋40幾億。

香港應仿效中國式抗疫？

   自從跳舞群組爆出後，香港每天確診人數不斷上升，弄至人心惶惶，但系亦有不少市民繼續聚會行街郊遊行山等。

   其實現今中國疫情基本上已全面受控，若果局部地區再發生疫情，基本上只系封區，香港就算過了今次第四波疫情，但如此下去再出現第五六波疫情都唔出奇。

    所以香港其實應該效仿武漢當時防疫方法，由區開始封，封至屋苑/單棟大廈防止疫情不斷擴散，待屋苑14天0確診就可以慢慢解封，與其長時間抗疫，為何不鎮痛一段小時間便可更快恢復疫前生活日子。

新股熱潮

   因為美國講過會打壓中概股,而且某部份股票更有可能因會計問題會被退市,所以年中由京東網易呢兩間公司掀起中概股回歸潮,不過亦有些本身無上市公司亦趁住新股熱潮上市,能夠以更高估值集資上市,而今年新股熱潮差唔多每隻股票都超額認購數倍,上市後大多都表現不俗,令到不少股民有斬獲,今年亦系小弟覺得最多人討論新股既一年,而身邊既同事亦會問下抽唔抽邊隻邊隻.  

   不過小弟就唔太喜歡抽新股,因為本身好多企業都系以高估值上市,其實風險亦都系非常高,只要政策與企業一出問題,整個氣氛就會逆轉,而且小弟亦都鍾意用過去財務數據去計算估值,新股剛上市其實數據唔齊備,而且近3年財務表現亦都粉飾不少,亦都較難作準.

10月儲蓄

 

10月薪金:	$26300
家用	$8000
零用	$2000
電話費	$200
交通費	$1100
購物	$1300
儲蓄金額	$13800