招商銀行

 內銀股陸續發布業績,,其實招商銀行業績一早已經有發放過資訊,但估唔到系今次提高埋派息比率由過往約33%調升至35%,而淨利方面增長約6%,內銀股息大部份都系跟盈利百分比調升

  招行相對比其他四大內銀 各方面數據都較好,而且亦都系較有增長力既一隻內銀.

巴菲特投資日本

   真的不得不佩服巴菲特投資本領,,2020年投資日本股票(丸紅,三菱商事,三井物產,伊藤忠商事,住友商事) 呢幾間企業走勢都好相似,,2020年前相對都系浮浮沉沉 以波幅為主,,但巴菲特2020年8月入貨後到現在,,呢五間企業都系持續上升亦創下新高,而日經平均指數雖然仍然未能重回1989年新高,,但亦都創出1989年後新高.

  浮沉了二三十年日股,而巴菲特卻能夠看準時機系創新高前三年先入貨,只系用左三年時間就能夠創出三倍利潤的確利害..不知什麼原因能夠令巴菲特投資日本.  

華潤置地與中國海外

   呢兩間內房企業系國內最穩健一批,但唔明白中國海外為何長期被低估,以負債比率計算更系冠絕中國內房企業. 而華潤置地經營模式亦有別於一般內房,比較偏向香港地產商模式,賣樓+物業收租.系呢幾年內房債務危機影響下亦無減少派息,仍然可以增加派息.真系難能可貴

香港能重回正軌?

   現今香港內外境況都不算太好,內至中國經濟下行,國內人民經歷疫後消費相對保守,加上香港印象不及澳門佳,遊客吸引力相對細D.外至歐美,現今中美關係不穩,中美貿易戰,台海局勢,半導體打壓等.而香港立國安法後歐美資金/企業相繼撤離.而香港也有不少人移民離開.

  系內外情況不穩下的確令香港前途感到憂心,但系回看歷史1967年暴動後,同樣有不少中產/富豪移民,同期四大家族在港低價吸納地皮.而市道去到1969年開始重回正軌.

  1980年初香港前途問題同樣令人憂心,但最後中英聯合聲明發表，聲明在一國兩制”的原則下，中國政府會確保其社會主義制度不會在香港特別行政區實行，香港奉行的資本主義制度、社會制度和生活方式可以維持“五十年不變.

  及後六四社運,中國面對資金撤離,外國制裁等等,同樣令人感到憂心.

  今日香港及中國同樣面對類似當年問題.香港面對住外資撤離 移民潮等問題,中國面對半導體打壓,外資撤離,美國不同程度制裁等,其實我所講歷史事件可能比現今事件更加嚴重,更加難看得清前路,但系中國同香港都可以走過去,經濟週期不斷系呢D事件入面循環.

 

 可能好多人覺得今次事件唔同,中國同香港未必能同以前一樣.但我睇法都系好的時候不要看得太好，壞的時候不要看得太壞,現今事情其實相對六四社運,香港前途問題等相對較為明朗.

香港夜經濟

   疫情間,市民基本上減少外出,到疫後生活模式基本已經開始改變,加上沒有太多新意,香港很多地方都失去吸引力,加上被困香港2-3年期間,很多香港人一到假期星期日就已經開始北上深圳,珠海澳門地方遊玩.尤其以深圳最多,始終交通方便,地理位置上更近. 無他,消費相對較香港便宜,消費體驗同服務都比香港好.

  而香港租金高昂,消費方面好難同深圳鬥平,而服務方面好多人都覺得香港態度差,無他,人工相對較高,而且我去深圳飲茶見到服務員亦都頗多,相反香港服務員系要一個人做幾個人工作量,可想而知態度點會好,而且飲食業請人難,老細都唔敢太過斥責員工.種種因素相加形成今日香港消費高 服務差,難聽D形容貼錢買難受.

  最近前財政司梁錦松所講搞國際性會議,演唱會,展覽等.相對較獨特性而周邊無既野,的確系一個唔錯方針,亦都系有助夜經濟.

  香港假如要搞好夜經濟,純粹商場食肆延長時間無太大作用,最緊要都系要多搞特色活動,商場食肆零售自然會受惠

新地未來有機會減派息

 董 事 局 議 決 派 發 截 至 二 ○ 二 三 年 六 月 三 十 日 止 年 度 的 末 期 股 息 每 股港幣 三 元 七 角 ， 派 發 日 期 為 二 ○ 二 三 年 十 一 月 十 六 日 。 連 同 中 期 股 息 每 股 港 幣 一 元 二 角 五 仙，全 年 每 股 派 息 港 幣 四 元 九 角 五 仙， 與 去 年 相 同 ； 佔 本 年 度 基 礎 溢 利 約 百 分 之 六 十 。 集 團 在 未 來 將 緊 守 其 股 息 政 策 ， 分 派 其 基 礎 溢 利 的 百 分 之 四 十 至 五 十 為 股 息 。

經歷三年疫情後,美國於2022年亦開始加息,加上香港樓市持續不振,無論物業收租.賣樓收益都持續下跌,尤其系新鴻基系咁既市況下都減緩了賣樓步伐,主力都系售出農地補地價既NOVO LAND始終成本比較平,計岩數就賣得.如果下年維持現今情況,相信新地有機會減派息,如果下年市況轉好,四十至五十派息比率應該仍然可以維持每股4.95元派息

中國青年失業率高企

   失業率高企其實對於一個國家都系一個好重要問題,如果唔能夠妥善解決,好容易發生動亂事件.但現今中國低廉工資優勢不再,而且中國亦開始走上科技化,其實唔走科技道路亦系好容易被淘汰,好似而家汽車廠 收銀 等,在中國已經被機械臂/電子支付等所取代,但每年都有不少青年加入勞動市場,但社會上工作崗會又不斷減少,的確要解決呢個問題是非常頭痛

新樓盤減價大戰

    近年都好少聽到新盤減價,平時買樓花只會每一輪銷售比下一輪銷售更加貴,原因在於逼使買家認為今輪唔買,下輪只會更貴,因為呢種情況系香港已經持續左一段好長時間.但近1-2年都多左樓盤一輪比一輪便宜,近期傳得最熱應該系長實同新地合作飛揚. 不知呢種情況會維持幾耐,因為一輪銷售比一輪便宜的確會令買家購買意慾下降.

組合加入希慎 招行

  趁近期大市回調,加入希慎同招行,近期出旺角 銅鑼灣等地市面旺了唔少,感覺到香港經濟有返復甦狀況,長遠有利零售業,但寫字樓相信還要更長時間先能夠回穩,始終未來新增供應會好多. 招行質素其實比四大內銀更佳,覆蓋撥備高 不良貸款較低,按數字上郵行跟招行質素最高.但招行比較則重個人零售借貸.繼續儲股增加現金流

港鐵動工年

   港鐵未來發展藍圖2023將會有極多工程上馬.屯門南延線 北環線 東涌延線都會系2023年即系今年動工.洪水橋站會系2024年動工.曾幾何時 港鐵主席馬時亨曾經講過,港鐵不可再同時建多條鐵路.

  其實一次過動工同一個工序都差唔多一齊做,對於機器及相關人員都系需要搶,工人供應少左,自然要出更高人工挖工人過檔,隨住工程增多,工人減少,系趕貨情況下,質量隨時又會有所下降,上一次港鐵五線動工,好多工程都爆出有質量問題. 

港鐵公司

   岩岩一睇港鐵仲有咩地皮可以出售,發覺都少左好多.未來暫時有約四幅地皮仲可以賣.而2024-25年會系最多樓盤落成,大型地皮供應點康城/黃竹坑地皮已全數出售.

   再翻查一下資料,未來港鐵發展路線有北環線/屯門南延線/洪水橋新站/東涌西延線全部都以擁有權方案發展,即系港鐵出資興建鐵路,日後政府會撥出部份土地予港鐵,等港鐵售出地皮補貼返工程費.

  

好既時候 睇得太好 差既時候睇得太差

   幾年前聽人講買樓，因為樓市已經上升一段時間，好多人會講有買貴無買錯。唔單止系樓，股市同樣，升到上3萬點，有人會同你講下個禮拜3萬1，3萬2。到股樓齊跌，樓宇呢排跌得急，曾幾何時幾多人想買樓，但樓價跌左落黎，d人又會系睇定d，仲有得跌。又話環境問題，加息好多原因，股市同樣，今日萬6，有人會話今日低位 明天高位，應該好多人話恒指跌到落1萬2點，更誇8000點都聽過。 有部分人想系某價位入市，但真系跌左落黎，又唔敢出手

短遊澳門

  去澳門人龍真系非常人多，經歷過三年疫情封閉澳門經濟相信都慘淡不少，到中國完全放棄清零與香港通關，去澳門真系一批一批人咁出發，紅日部分食肆無開，有開既都大排長龍。去旅行放鬆一下。 

   今日周圍行下之餘，亦都可以當視察下企業營運，澳博其實擁有非常多賭場，但系感覺有d老土，仲系好似80-90年代賭場，當然澳博都有幾個新開賭場上葡京其中之一.之後金沙中國旗下威尼斯人 倫敦人 巴黎人真系非常吸引到遊客打卡，營運上用外觀吸引遊客，消費/娛樂/住宿。銀娛旗下銀河亦都一樣，都吸引不少遊客打卡。呢兩間系新派入面做得最好。因為而家既遊客/市民已經唔系聚焦系純賭錢。

2021-2022股市體會

呢兩年股市真系令人跌到心慌慌，但同樣地前輩留比我地既選股準則真系好有用。

企業定價權：尤其系中國經營公用股基本上好難加價，就算唔系中國有部分公用股系加價方面的確都好難，系成本不斷上漲，但不能透過加價解決下，最終只會令到盈利受損，從而系股價上展示出來。

能力圈：一隻你熟悉既股票，就算跌3-4成你或許唔會驚，但你唔熟悉既股票，周圍聽人講號碼而投資最終跌3-4成你系會唔知點算好。能力圈內你會知道幾時可以出手。

長年派息記錄：近3年更深體會，應該是巴菲特提及的，要觀看企業長年派息及盈利記錄，因為觀看長年記錄系間接知道企業曾經經歷過唔少經濟週期及事件，面對將來發生突發事件，見過風浪管理層對危機會有更好處理手法。

負債：如果有觀看企業負債比率，應該不會被今次內房危機所大幅影響，因為睇完年報根本唔會有人買恒大、碧桂園等負債極高企業。

2022

疫情接近既第三年，全世界開始進入復常道路，呢三年做旅遊相關、飲食、校巴、酒吧真系苦不堪言，慶幸小弟做地盤真系好好彩保持住有工開，近3年返既地盤真系又近自己住所，開心既系呢1年仲可以返足30日工作，好天斬埋落雨柴，繼續努力儲蓄+投資 方針不變。

大陸自由行

隔別3年通關，基本上3年都無大陸自由行來港，但唔知大家點睇。

大陸自由行

優：先講優點，有自由行的而且確會帶動香港經濟，當然好多人會話旅遊佔gdp不多，但系自由行可以帶動就業/升職機會，因為企業會考慮開分店，需求上升，例如飲食、零售、物流運輸會較為顯著受惠。

劣：影響民生、擾民。尤其以元朗、屯門、上水最為顯著，日用品有機會被掃空，奶粉已經見識過。文化衝突，例如個人衛生、嘈吵、插隊等，物價上升、水貨客問題等。

自由行的確系一個雙面刃，我喜歡佢帶比經濟活力，但同時非常討厭其劣行。

組合加入太古地產

   本身都想搵多幾隻收租股平衡下,,太地同希慎一直都有擺入名單中,但較少留意佢地,唔經唔覺低位都反彈左接近3成,但我仍然認為好多收租股都屬於低估階段,當然小弟都不敢太進取 入少量.多一隻收租股得閒收下息,,太地仲要揸住全香港最核心地段寫樓字同商場,企業主要行高檔路線,較容易受經濟環境影響.

香港前景

 近十年應該好多人都覺得香港前景暗淡，覺得中國其他城市前景更好，呢個我唔否認。但如果用前景暗淡形容香港，我就覺得不太適合，隨住中國不斷開放其他城市，以往透過香港窗口期時代，不再復還。

  當前香港仍然定位系面向世界 背靠中國，其實隨住中國城市開放政策，部分企業已經系會直接進軍內地，當然香港系資金 司法 制度上仍然會較其他城市有優勢,而家睇中國將香港定位為金融中心，君不見呢幾年港交所不斷改革，生物科技同科技股未有盈利上市，同股不同權既企業上市，滬深股通行等等，金融改革推行，可以吸引中國企業到香港向外集資。亦透過香港作為資金停泊處，買賣滬深股票。雖然港口上優勢已經完全無了。但香港金融市場仍然不可忽視。

  加上近年中美博奕，美國要求中國企業交出更多會計資料、除牌、刁難等等。令到不少中概股回流香港上市，中長期相信中國企業想吸引外國資金投資，較大機會選擇香港作上市。所以單靠呢點，我覺得香港前景不至於暗淡，長遠香港整體環境仍然依靠金融市場帶動房地產，內需。當然香港仍要專注於科技，以免被北上廣深等城市不斷拋離。

樓市寒冬

 

  近期新聞都有講到美聯中原等代理商會炒人，cut分店，呢個事件令我諗返起2018年，當時樓市同樣處於寒冬，美聯當時又系話會炒人 cut分店，同年信和以低過市價推售觀塘項目 凱匯，之後樓市逐漸回穩，再向上升，再創新高。

  4年後既今日又系睇到類似新聞，美聯炒人 cut分店，唔知大家認為會唔會好似2018年咁樣。當時2018年環境有中美貿易戰，而現今環境就有疫情、通脹、加息等等較多不明朗因素。 

增持領展

   上個月月尾再以48蚊左右水平增持領展，房地產類別收息股基本上成型，有齊潤地 新地 恒地 領展 的確開心。再跌得深就系恒地，始終負債比率高，恒地可能進一步加深負債去併購同旭輝合作項目。

   大置上地產類別都算齊齊地貨，睇情況都會適量增持下既，按比例首選會系領展 次選新地，因為新地已經成為我第一持倉，希望增持領展 平衡一下收息組合。