近期新聞都有講到美聯中原等代理商會炒人，cut分店，呢個事件令我諗返起2018年，當時樓市同樣處於寒冬，美聯當時又系話會炒人 cut分店，同年信和以低過市價推售觀塘項目 凱匯，之後樓市逐漸回穩，再向上升，再創新高。
4年後既今日又系睇到類似新聞，美聯炒人 cut分店，唔知大家認為會唔會好似2018年咁樣。當時2018年環境有中美貿易戰，而現今環境就有疫情、通脹、加息等等較多不明朗因素。
上個月月尾再以48蚊左右水平增持領展，房地產類別收息股基本上成型，有齊潤地 新地 恒地 領展 的確開心。再跌得深就系恒地，始終負債比率高，恒地可能進一步加深負債去併購同旭輝合作項目。
大置上地產類別都算齊齊地貨，睇情況都會適量增持下既，按比例首選會系領展 次選新地，因為新地已經成為我第一持倉，希望增持領展 平衡一下收息組合。
一個疫情令到當官者難上加難，中央政策嚴防死控要清零，做下屬當然要跟從指令，否則發生大爆發，隨時烏紗不保，系呢個環境工作下，每個負責既官員都希望唔好系自己單位發生問題，呢個的確系人之常情，所以形成好多地方防疫措施好嚴，甚至不講人情，站在官員角度上可以話系無錯，因為有事要孭鑊。
但系嚴格封控措施，突然需要救助市民孤立無援，等成十幾個鍾先有救護車，令到需要救助市民死亡，呢種新聞頻生。
要如何做到嚴格防控之餘又要對特殊事件要有彈性處理，要知道太過嚴格發生傷亡事件，都會引起社會輿論，而中央也會礙於社會輿論將有關人員免職。的確現今環境對官員系一個難題。
